تامر وبسمة
كتبَ / حسين هاشم
النهارده الأحد الصبح أعلن الفنان تامر حسني علي صفحته الرسمية بالفيس بوك بإن النهارده هو يوم تصوير غلاف ألبومه الجديد وكتب علي الصفحة " انا لسه صاحي و نازل أتصور صورة الالبوم ان شاء الله تعجبكم"، وبعدها اتمني للطلبة اللي عندها امتحانات إن ربنا يوفقهم وكتب علي صفحته "ربنا معاكم في الامتحانات ان شاء الله".
ومن ناحية تانية انتشرت اخبار بإن تامر بيحضر لألبوم جديد للأطفال في سرية تامة وناوي يكون هدية لبنته المنتظرة من زوجته الفنانة "بسمة بوسيل" اللي هتولد بعد 4 شهور، وذكر مصدر مقرب بإن تامر محتار في اختيار اسم لبنته لحد دلوقتي وإن في احتمال كبير يطلب من جمهوره علي الفيس بوك وتويتر مساعدته في اختيار الأسم.
الأربعاء فبراير 26, 2014 10:32 am من طرف زائر
